Tradisjonell Gjeldokk Brothers-quiz

Kva gjer du om du ikkje kan svaret på spørsmål om musikk? Du lagar spørsmåla sjølv og arrangerer musikk-quiz.
Morten og Tore Gjeldokk har omlag 75 år med musikkinteresse bak seg. Grunna manglande rytmesans og dobbelsidig tonedauvheit, har dei konsentrert seg mest om historiene og skrønene bak musikken. Medan Morten starta i lære hjå quizmaster Velure på Folkemusikkveka i 2013, starta Tore quizkarriera si som Jeopardy!-deltakar på slutten av 90-talet. Her fann han ut at løysinga med at andre har svaret, og at han stiller spørsmålet høvde best. I 2015 vart dei henta inn for å teste musikkunnskapen til SundreBall-gjengarane, og fekk etter det fast arbeid på festivalen. Og det viser seg å nytte.