Fashion Victims
Unge, energiske og kritikarroste: Fashion Victims har på rekordtid tatt norske konsertpublikummarar og musikkjournalistar med storm. Debutsingelen «Such a Bore» vart karakterisert som «én av de beste norske låtene i sin sjanger» av NRK P13 og «eventyrlig bra» i Adresseavisen.
I februar 2024 kom det sjølvtitulerte debutalbumet med radio-listingar på NRK P3 og P13, gode omtaler og flust av nye spelejobbar. Bandet har til dømes varma opp for legendene i Bad Religion og vore fast inventar på Oslo Ess sin turné denne hausten. Fashion Victims byr på powerpunk av beste klasse. Tenk reale riff, brei beinstilling og nikk til klassiske referansar som Buzzcocks, The Clash og Sex Pistols. Konsert med Fashion Victims = fest!